[90] (1) Missa haec faciō. Veniō nunc ad ipsum stirpem accūsātiōnis, ad ipsam causam maleficiī. Respondeat Aemiliānus et Rūfīnus, ob quod ēmolumentum, etsī maximē magus forem, Pudentillam carminibus et venēnis ad mātrimōnium pellexissem.
(2) Atque ego sciō plērōsque reōs alicuius facinoris postulātōs, sī fuisse quaepiam causae probārentur, hōc ūnō sē tamen abundē dēfendisse, vītam suam procul ab huiusmodī sceleribus abhorrēre nec id sibi obesse dēbēre, quod videantur quaedam fuisse ad maleficiundum invītāmenta; (3) nōn enim omnia quae fierī potuerint prō factīs habenda, rērum vicēs variās ēvenīre; certum indicem cuiusque animum esse; quī semper eōdem ingeniō ad virtūtem vel malitiam mōrātus firmum argūmentum est accipiendī crīminis aut respuendī.
(4) Haec ego quamquam possim meritō dīcere, tamen vōbīs condōnō, nec satis mihi dūcō, sī mē omnium quae īnsimulāstis abundē pūrgāvī, <ni>sī nusquam passus sum vel exiguam suspīciōnem magīae cōnsistere. (5) Reputāte vōbīscum, quantā fīdūciā innocentiae meae quantōque dēspectū vestrī agam: sī ūna causa vel minima fuerit inventa, cūr ego dēbuerim Pudentillae nuptiās ob aliquod meum commodum appetere, sī quamlibet modicum ēmolumentum probāveritis, (6) ego ille sim Carmendās vel Damigeron vel † hīs † Mōsēs vel Iōhannēs vel Apollobex vel ipse Dardanus vel quīcumque alius post Zōroastren et Hostanēn inter magōs celebrātus est.
Vocabulary
stirps stirps f.: root
accūsātiō accūsātiōnis f.: accusation, formal legal complaint
maleficium –ī n.: crime
Aemiliānus –ī m.: Sicinius Aemilianus, principal accuser, uncle of Sicinius Pontianus and Sicinius Pudens.
Rūfīnus –ī m.: Rufinus (name) Herennius Rufinus: allegedly son of a bankrupt father, father of (Herennia).
ēmolumentum –ī n.: financial advantage
magus magī m.: mage, magician
Pudentilla –ae f.: Pudentilla (name)
venēnum venēnī n.: poison
mātrimōnium –ī(ī) n.: marriage
pelliciō pellicere pellexī pellectum: lure
postulō postulāre postulāvī postulātus: to accuse, summon or arraign before a court
(2)
quispiam quaepiam quidpiam: anybody, anything
abundē: sufficiently, enough, abundantly
hūiusmodī: of this sort
abhorreō abhorrēre abhoruī: to be at variance with, be inconsistent with (lit. to shrink from)
obsum obesse obfuī: to harm
malefaciō malefacere malefēcī malefactum: to do wrong
invītāmentum –ī n.: incentive, inducement
vicis vicis f.: circumstances, change of fortune, twist, vicissitudes
(3)
ēveniō ēvenīre ēvēnī ēventus: to come out, happen
index indicis m.: evidence, proof
malitia –ae f.: wickedness
mōrātus –a –um: having a specific kind of character, inclined by temperament
fīrmus –a –um: firm, strong
argūmentum –ī n.: proof, evidence, argument
respuō respuere respuī —: to reject
meritō: deservedly, justifiably
(4)
condōnō condōnāre: to concede, waive, allow
īnsimulō īnsimulāre: to accuse (falsely), allege
pūrgō pūrgāre pūrgāvī pūrgātus: to clear, exculpate
nusquam: nowhere
exiguus –a –um: small, little
suspiciō suspiciōnis f.: suspicion
magīa –ae f.: magic, sorcery
reputō reputāre reputāvī reputātus: to think, consider
(5)
fīdūcia fīdūciae f.: confidence, reliance
innocentia –ae f.: blamelessness
dēspectus -ūs m.: contempt
Pudentilla –ae f.: Pudentilla (name)
nuptiae –ārum f. pl.: marriage
commodum -ī n.: advantage, benefit
appetō appetere appetīvī appetītus: to seek, strive eagerly for
quamlibet: however — (+ ad.), as — as you like, in whatever degree
modicus modica modicum: moderate, modest, temperate
ēmolumentum –ī n.: financial advantage
Carmendās –ae m.: Carmendas (name)
(6)
Damigerōn –ontis m.: Damigeron (name)
Mōses (Mōȳses) –is (–ī) m.: Moses
Iōhannēs –is m.: John (name)
Apollobex –icis m.: Apollobex (name)
Dardanus -ī n.: Dardanus (name)
Zōroastrēs –ae/–is m.: Zoroaster (name)
Ostānēs –ae m.: Ostanes (name)
magus magī m.: mage, magician
celebrō (1): to celebrate