[79] (1) Quamquam, etsī dēstrictius magum mē dīxisset, posset vidērī excūsābunda sē fīliō vim meam quam voluntātem suam causārī māluisse. An sōla Phaedra falsum epistolium dē amōre commenta est? At nōn omnibus mulieribus haec ars ūsitāta est, ut, cum aliquid eius modī velle coepērunt, mālint coāctae vidērī? (2) Quod sī etiam animō ita putāvit, mē magum esse, idcircōne magus habear, quia hoc scrīpsit Pudentilla? Vōs tot argūmentīs, tot testibus, tantā ōrātiōne magum mē nōn probātis: illa ūnō verbō probāret? Et quantō tandem gravius habendum est quod in iūdiciō subscrībitur quam quod in epistolā scrībitur! (3) Quīn tū mē meīsmet factīs, nōn aliēnīs verbīs revincīs?
Cēterum eādem viā multī reī cuiusvīs maleficiī postulābuntur, sī ratum futūrum est quod quisque in epistolā suā vel amōre vel odiō cuiuspiam scrīpserit. (4) 'Magum tē scrīpsit Pudentilla: igitur magus es.' Quid sī cōnsulem mē scrīpsisset: cōnsul essem? Quid enim sī pictōrem, sī medicum, quid dēnique, sī innocentem? Num aliquid hōrum putārēs idcircō, quod illa dīxisset? Nihil scīlicet. (5) Atquī periniūrium est eī fidem in peiōribus habēre, cui in meliōribus nōn habērēs, posse litterās eius ad perniciem, nōn posse ad salūtem. (6) 'Sed inquiētī animī fuit, efflīctim tē amābat.' Concēdō interim. Num tamen omnēs quī amantur magī sunt, sī hoc forte quī amat scrīpserit? Crēdō nunc quod Pudentilla mē in eō tempore nōn amābat, siquidem id forās scrīpsit, quod palam erat mihi obfutūrum.
Vocabulary
etsī: even if
dēstrictus –a –um: strict; explicit, precise
magus magī m.: wise man; magician
excūsābundus –a –um: excusing (acc.) to (dat.)
causor –ārī: to blame, give as a reason
Phaedra –ae f.: Phaedra, one of the daughters of Minos, king of Crete, and wife of Theseus, king of Athens
epīstolium –iī n.: short letter
comminīscor –minīscī –mentus sum: to devise, invent, contrive
ūsitātus -a -um: commonly used by (+ dat.)
eiusmodī or eius modī: of this sort; of such kind
idcircō: on that account
Pudentilla –ae f.: Pudentilla, name of a woman
argūmentum –ī n.: proof, evidence, argument
subscrībō –scrībere –scrīpsī –scrīptum: to sign a document, endorse
-met: an enclitic intensifies personal pronouns
(3)
revincō –vincere –vīcī –victum: to convict
reus -ī m.: a defendant (in court)
quīvīs quaevīs quodvīs or (subst.) quidvīs: who or what you please
maleficium –ī n.: crime, wicked deed
postulō postulāre postulāvī postulātus: to summon into court
quispiam quaepiam quidpiam: anybody, anything
magus magī m.: wise man; magician
pictor –ōris m.: a painter
innocēns –ntis: innocent
idcircō: on that account
atquī or atquīn: nevertheless; indeed
(5)
periniūrius –a –um: very unjust
perniciēs pernicieī f.: destruction
efflīctim: agonizingly, in torment
(6)
siquidem: if only, if indeed, since that
forās: out of doors
palam: openly, in public
obsum obesse obfuī: to be in the way, harm