[76] (1) Cēterum uxor, iam propemodum vetula et effēta, tōtam domum contumēliīs adnuit. (2) Fīlia autem per adulēscentulōs dītiōrēs invītāmentō mātris suae nēquicquam circumlāta, quibusdam etiam procīs ad experiundum permissa, nisi in facilitātem Pontiānī incidisset, fortasse an adhūc vidua ante quam nubta domī sēdisset. (3) Pontiānus eī, multum quidem dehortantibus nōbīs, nūptiārum titulum falsum et imāginārium dōnāvit, nōn nescius eam paulō ante quam dūceret ā quōdam honestissimō iuvene, cui prius pacta fuerat, post satietātem dērelictam.
(4) Vēnit igitur ad eum nova nūpta sēcūra et intrepida, pudōre dispoliātō, flōre exsolētō, flammeō obsolētō, virgō rūrsum post recēns repudium, nōmen potius adferēns puellae quam integritātem. (5) Vectābātur octaphorō; vīdistis profectō quī adfuistis, quam improba iuvenum circumspectātrīx, quam inmodica suī ostentātrīx. Quis nōn disciplīnam mātris agnōvit, cum in puellā vidēret immedicātum ōs et purpurissātās genās et inlicēs oculōs? (6) Dōs erat ā crēditōre omnis ad teruncium prīdiē sūmpta et quidem grandior, quam domus exhausta et plēna liberīs postulābat.
Vocabulary
propemodum or propemodo: nearly, almost
vetulus –a –um: old, elderly; vetula -ae f.: little old woman
effētus –a –um: exhausted
contumēlia contumēliae f.: outrageous behavior
adnuō abnuere annuī: to approve; to grant (aliquid alicui)
adolēscentulus adulēscentulī m.: young man
(2)
dīs dītis: wealthy
invītāmentum –ī n.: an invitation
nēquīcquam: in vain
circumferō –ferre –tulī –lātus: to bear round; pass around
procus –ī m.: suitor
facilitās –ātis f.: willingness, good will, easygoing temperament
Pontiānus –ī m.: Sicinius Pontianus: Roman knight, elder son of Sicinius Amicus and Aemilia Pudentilla, now dead
vidua viduae f.: unmarried woman, widow
nubta (nupta) –ae f.: wife, bride
dehortor –ārī: to advise to the contrary, to dissuade
(3)
nuptiae –ārum f. pl.: marriage
titulus – ī m. (–um n.): title, label, pretense
imaginārius –a –um: illusory, imaginary
nescius –a –um: unaware
pacīscor pacīscī pactus: to promise in marriage
satietās –ātis f.: satiety, the state of being sated after indulgence in an appetite of any kind
dērelinquō dērelinquere dēreliquī dērelīctus: to abandon, desert
intrepidus –a –um: undaunted, intrepid
(4)
dēspoliō (dīspoliō) –āre –āvī –ātus: to rob, plunder
exsolēscō (exol–) –ere: to become disused to
flammeum -i n.: bridal veil (traditionally flame-colored)
obsolētus -a -um: worn-out, shabby
repudium –(i)ī n.: breaking off of an engagement, dissolution of a marriage contract
integritās –ātis f.: purity, chastity
vectō vectāre vectāvī vectātus: to convey
octaphoron (octophoros) –ī n.: a litter with eight bearers
profectō: (adv.) surely
improbus –a –um: brazen, shameless
(5)
circumspectātrīx –īcis f.: one who looks around
immodicus –a –um: excessive
ostentātrīx –īcis f.: a show-off, exhibitionist
āgnōscō āgnōscere āgnōvī agnitus: to recognize
immedicātus –a –um: painted
purpurissātus –a –um: rouged
gena –ae f.: cheek
inlex –icis: alluring, enticing
dōs dōtis f.: gift, endowment; dowry
(6)
crēditor –ōris m.: a creditor
terūncius –ī m.: penny, small change, (lit.) three twelfths of an as
prīdiē: day before
grandis -e: large
exhaustus -a -um: drained, empty
līberī līberōrum m. pl.: children
postulō postulāre postulāvī postulātus: to need, require