Omnia quī magnī dispexit lūmina mundī,
quī stēllārum ortūs comperit atque obitūs,
flammeus ut rapidī sōlis nitor obscūrētur,
ut cēdant certīs sīdera temporibus,
ut Triviam fūrtim sub Latmia saxa relēgāns 5
dulcis amor gȳrō dēvocet āereō:
īdem mē ille Conōn caelestī in līmine vīdit
ē Bērōniceō vertice caesariem
fulgentem clārē, quam multīs illa deārum
lēvia prōtendēns brāchia pollicita est, 10
quā rēx tempestāte novō functus hymenaeō
vastātum fīnīs īverat Assyriōs,
dulcia nocturnae portāns vestīgia rixae,
quam dē virgineīs gesserat exuviīs.
Estne novīs nūptīs odiō Venus? Anne parentum 15
frūstrantur falsīs gaudia lacrimulīs,
ūbertim thalamī quās intrā līmina fundunt?
Nōn, ita mē dīvī, vēra gemunt, iuerint.
Id mea mē multīs docuit rēgīna querellīs
invīsente novō proelia torva virō. 20
vocabulary
dispiciō –ere –spexī –spectus: look around; investigate
ortus ortūs m.: rising (of a heavenly body)
comperiō comperīre comperī compertus: find out, ascertain
obitus –ūs m.: approach; death; setting (of a heavenly body)
flammeus –a –um: fiery; swift as fire
rapidus –a –um: strongly flowing, swiftly moving, rapid; scorching, consuming
nitor –ōris m.: brightness, brilliance
obscūrō obscūrāre obscūrāvī obscūrātus: darken
Trivia –ae f.: epithet of Diana, the triple goddess 5
furtim: secretly, stealthily
Latmius –a –um: of Mt. Latmus in Caria (SW Asia Minor)
relēgō relēgāre relēgāvī relēgātus: banish, remove from the scene
gȳrus –ī m.: circular course, orbit
dēvocō –āre –āvī –ātum: call down, summon
āerius –a –um: of the air, airy
Conōn –ōnis m.: Conon, royal astronomer of Ptolemy III Eurgetes (III cent. B.C.)
Beronīcēus –a –um: belonging to Berenice
vertex verticis m.: whirlpool, whirlwind; top of the head; summit
caesariēs –eī f.: long hair
fulgeō fulgēre fulsī: shine brightly, gleam
prōtendō –ere –tendī –tēnsus (–tentus): stretch out; extend forward over a distance 10
brachium brachī(ī) n.: arm
polliceor pollicērī pollicitus sum: offer, promise
Hymenaeus –ī m.: the Greek wedding refrain, hymeneal; personified as god of marriage; pl. marriage
vāstō vāstāre vāstāvī vāstātus: make desolate; destroy, sack
Assyrius –a –um: Assyrian; (by extension) Asiatic, oriental
nocturnus –a –um: of the night, night time
rixa –ae f.: quarrel, brawl
virgineus –a –um: of a virgin
exuviae –ārum f.: spoils of a defeated enemy
nupta –ae f.: wife 15
Venus –eris f.: Venus or Aphrodite, goddess of love and charm
frūstror –ātus sum: deceive, baffle; disappoint, frustrate
lacrimula –ae f.: tear (dim. of lacrima)
ūbertim: copiously
thalamus –ī m.: bedroom
vērum –ī n.: but in fact, but, actually
gemō gemere gemuī: groan, moan, lament
rēgīna rēgīnae f.: queen
querēla querēlae f.: complaint, protest, lament
invīsō –ere –vīsī –vīsus: go to see; look upon 20
torvus –a –um: grim, fierce, stern