Sed quid ego ā prīmō dīgressus carmine plūra
commemorem, ut linquēns genitōris fīlia vultum,
ut cōnsanguineae complexum, ut dēnique mātris,
quae miserā in gnātā dēperdita laetābātur,
omnibus hīs Thēsei dulcem praeoptārit amōrem, 120
aut ut vecta ratī spūmōsa ad lītora Dīae
vēnerit, aut ut eam dēvīnctam lūmina somnō
līquerit immemorī discēdēns pectore coniūnx?
Saepe illam perhibent ārdentī corde furentem
clārisonās īmō fūdisse ex pectore vōcēs, 125
ac tum praeruptōs trīstem cōnscendere montēs
unde aciem in pelagī vastōs prōtenderet aestūs,
tum tremulī salis adversās prōcurrere in undās
mollia nūdātae tollentem tegmina sūrae,
atque haec extrēmīs maestam dīxisse querēlīs, 130
frīgidulōs ūdō singultūs ōre cientem.
vocabulary
dīgredior dīgressus sum: go off; digress
commemorō commemorāre commemorāvī commemorātus: recall, recount
linquō linquere līquī: leave, quit
genitor genitōris m.: father; pl., parents
consanguinea –ae f.: sister, female relative
complexus –ūs m.: embrace
nāta (gnāta) –ae f.: daughter
deperditus –a –um: lost, ruined
laetor laetārī laetātus sum: rejoice, be glad
Thēseus –ī m.: son of Aegeus, seducer of Ariadne (later husband of her sister Phaedra), slayer of the Minotaur 120
praeoptō –āre –āvī –ātum: prefer, choose in preference
ratis ratis f.: raft; boat, ship
spūmōsus –a –um: foamy
Dīa –ae f.: an Aegean island, usu. identified with Naxos
dēvinciō –īre –vinxī –vinctus: tie fast, bind
immemor –oris: forgetful, heedless, feckless
perhibeō –ēre –uī –itus: present, bestow; say, hold, maintain, give out
ārdēns –entis: passionate
furō furere: be mad or crazed; rage with passion, rave
clārisonus –a –um: clear-sounding, loud, shrill 125
praerumpō praerumpere –rūpī –ruptus: to break off
cōnscendō –ere –scendī –scēnsus: climb up
pelagus pelagī m.: the sea
vāstus –a –um: desolate, uninhabited, featureless, dreary, endless
prōtendō –ere –tendī –tēnsus (–tentus): stretch out; extend forward over a distance
aestus aestūs m.: heat, hot weather; swell (of the sea), flood; tumult
tremulus –a –um: shaky, trembling; shaking (voluntarily, as one dandling an infant)
sāl salis m.: salt; fig., of a quality that gives character and flavor, wit; by metonymy, the sea
prōcurrō –ere –cucurrī (–currī) –cursus: run forward; roll forth
nūdō nūdāre nūdāvī nūdātus: make naked, denude, bare
tegmen (tegumen) –inis n.: covering
sūra –ae f.: calf of the leg
exter extera exterum: farthest, the farthest part of; final 130
querēla querēlae f.: complaint, protest, lament
frīgidulus –a –um: chilly, cold; (of language, rhetoric, etc.) feeble, tedious, frigid (dim. of frigidus)
ūdus –a –um: wet
singultus –ūs m.: sob
cieō ciēre cīvī citus: move, set in motion; rouse, raise, produce