Cicero /
Philippic 2.44–50, 78–92, 100–119

Edited by Ingo Gildenhard

purchase print book 

87

[87] At etiam āscrībī iussit in fāstīs ad Lupercālia C. Caesarī dictātōrī perpetuō M. Antōnium cōnsulem populī iussū rēgnum dētulisse, Caesarem utī nōluisse. iam iam minimē mīror tē ōtium perturbāre; nōn modo urbem ōdisse sed etiam lūcem; cum perditissimīs latrōnibus nōn sōlum dē diē sed etiam in diem bibere. ubi enim tū in pāce cōnsistēs? quī locus tibi in lēgibus et in iūdiciīs esse potest, quae tū, quantum in tē fuit, dominātū rēgiō sustulistī? ideōne L. Tarquinius exāctus, Sp. Cassius, Sp. Maelius, M. Mānlius necātī ut multīs post saeculīs ā M. Antōniō, quod fās nōn est, rēx Rōmae cōnstituerētur?

extras

article nav

Suggested Citation

Ingo Gildenhard, Cicero: Philippic 2.44–50, 78–92, 100–119. Carlisle, Pennsylvania: Dickinson College Commentaries, 2020. ISBN: 978-1-947822-12-2 http://dcc.dickinson.edu/cicero-philippics/ii-87