Cicero /
Philippic 2.44–50, 78–92, 100–119

Edited by Ingo Gildenhard

purchase print book 

50

[50] Quaestor es factus: deinde continuō sine senātūs cōnsultō, sine sorte, sine lēge ad Caesarem cucurristī. id enim ūnum in terrīs egestātis, aeris aliēnī, nēquitiae perditīs vītae ratiōnibus perfugium esse dūcēbās. ibi tē cum et illīus largītiōnibus et tuīs rapīnīs explēvissēs, sī hoc est explēre, haurīre quod statim effundās, advolāstī egēns ad tribūnātum, ut in eō magistrātū, sī possēs, virī tuī similis essēs.

Accipite nunc, quaesō, nōn ea quae ipse in sē atque in domesticum decus impūrē et intemperanter, sed quae in nōs fortūnāsque nostrās, id est in ūniversam rem pūblicam, impiē ac nefāriē fēcerit. ab huius enim scelere omnium malōrum prīncipium nātum reperiētis.

extras

article nav

Suggested Citation

Ingo Gildenhard, Cicero: Philippic 2.44–50, 78–92, 100–119. Carlisle, Pennsylvania: Dickinson College Commentaries, 2020. ISBN: 978-1-947822-12-2 http://dcc.dickinson.edu/cicero-philippics/ii-50