Cicero /
Philippic 2.44–50, 78–92, 100–119

Edited by Ingo Gildenhard

purchase print book 

112

[112] Sed praeterita omittāmus: hunc ūnum diem, ūnum, inquam, hodiernum diem, hoc pūnctum temporis, quō loquor, dēfende, sī potes. cūr armātōrum corōnā senātus saeptus est, cūr mē tuī satellitēs cum gladiīs audiunt, cūr valvae Concordiae nōn patent, cūr hominēs omnium gentium maximē barbarōs, Itūraeōs, cum sagittīs dēdūcis in forum? praesidī suī causā sē facere dīcit. nōn igitur mīliēns perīre est melius quam in suā cīvitāte sine armātōrum praesidiō nōn posse vīvere? sed nūllum est istud, mihi crēde, praesidium: cāritāte tē et benevolentiā cīvium saeptum oportet esse, nōn armīs.

extras

article nav

Suggested Citation

Ingo Gildenhard, Cicero: Philippic 2.44–50, 78–92, 100–119. Carlisle, Pennsylvania: Dickinson College Commentaries, 2020. ISBN: 978-1-947822-12-2 http://dcc.dickinson.edu/cicero-philippics/ii-112