Cicero /
Philippic 2.44–50, 78–92, 100–119

Edited by Ingo Gildenhard

purchase print book 

103

[103] Ab hāc perturbātiōne religiōnum advolās in M. Varrōnis, sānctissimī atque integerrimī virī, fundum Casinātem. quō iūre, quō ōre? ‘Eōdem’, inquiēs, ‘quō in hērēdum L. Rubrī, quō in hērēdum L. Tursēlī praedia, quō in reliquās innumerābilēs possessiōnēs’. et sī ab hastā, valeat hasta, valeant tabulae modo Caesaris, nōn tuae, quibus dēbuistī, nōn quibus tū tē līberāvistī. Varrōnis quidem Casinātem fundum quis vēnisse dīcit, quis hastam istīus vēnditiōnis vīdit, quis vōcem praecōnis audīvit? mīsisse tē dīcis Alexandrīam quī emeret ā Caesare; ipsum enim expectāre magnum fuit.

extras

article nav

Suggested Citation

Ingo Gildenhard, Cicero: Philippic 2.44–50, 78–92, 100–119. Carlisle, Pennsylvania: Dickinson College Commentaries, 2020. ISBN: 978-1-947822-12-2 http://dcc.dickinson.edu/cicero-philippics/ii-103