Cicero /
Philippic 2.44–50, 78–92, 100–119

Edited by Ingo Gildenhard

purchase print book 

48

[48] Intimus erat in tribūnātū Clōdiō quī sua ergā mē beneficia commemorat; eius omnium incendiōrum fax, cuius etiam domī iam tum quiddam mōlītus est. quid dīcam ipse optimē intellegit. inde iter Alexandrīam contrā senātūs auctōritātem, contrā rem pūblicam et religiōnēs; sed habēbat ducem Gabīnium, quīcum quidvīs rēctissimē facere posset. quī tum inde reditus aut quālis? prius in ultimam Galliam ex Aegyptō quam domum. quae autem domus? suam enim quisque domum tum obtinēbat nec erat usquam tua. domum dīcō? quid erat in terrīs ubi in tuō pedem pōnerēs praeter ūnum Mīsēnum, quod cum sociīs tamquam Sisapōnem tenēbās?

extras

article nav

Suggested Citation

Ingo Gildenhard, Cicero: Philippic 2.44–50, 78–92, 100–119. Carlisle, Pennsylvania: Dickinson College Commentaries, 2020. ISBN: 978-1-947822-12-2 http://dcc.dickinson.edu/cicero-philippics/ii-48