Cicero /
Philippic 2.44–50, 78–92, 100–119

Edited by Ingo Gildenhard

purchase print book 

47

[47] Sed iam stupra et flāgitia omittāmus: sunt quaedam quae honestē nōn possum dīcere; tū autem eō līberior quod ea in tē admīsistī quae ā verēcundō inimīcō audīre nōn possēs. sed reliquum vītae cursum vidēte, quem quidem celeriter perstringam. ad haec enim quae in cīvīlī bellō, in maximīs reī pūblicae miseriīs fēcit, et ad ea quae cotīdiē facit, festīnat animus. quae petō ut, quamquam multō nōtiōra vōbīs quam mihi sunt, tamen, ut facitis, attentē audiātis. dēbet enim tālibus in rēbus excitāre animōs nōn cognitiō sōlum rērum sed etiam recordātiō; etsī incīdāmus, opīnor, media nē nimis sērō ad extrēma veniāmus.

extras

article nav

Suggested Citation

Ingo Gildenhard, Cicero: Philippic 2.44–50, 78–92, 100–119. Carlisle, Pennsylvania: Dickinson College Commentaries, 2020. ISBN: 978-1-947822-12-2 http://dcc.dickinson.edu/cicero-philippics/ii-47