C. PLĪNIUS IŪNIŌRĪ SUŌ S.
Castīgābat quīdam fīlium suum quod paulō sūmptuōsius equōs et canēs ēmeret. Huic ego, iuvene dīgressō: 'Heus tū, numquamne fēcistī, quod ā patre corripī posset? Fēcistī, dīcō. Nōn interdum facis quod fīlius tuus, sī repente pater ille tū fīlius, parī gravitāte reprehendat? Nōn omnēs hominēs aliquō errōre dūcuntur? Nōn hic in illō sibi, in hōc alius indulget?' [2] Haec tibi admonitus immodicae sevēritātis exemplō, prō amōre mūtuō scrīpsī, nē quandō tū quoque fīlium tuum acerbius dūriusque tractārēs. Cōgitā et illum puerum esse et tē fuisse, atque ita hoc quod es pater ūtere, ut meminerīs et hominem esse tē et hominis patrem. Valē.
vocabulary
castīgō –āre –āvī –ātus: to chastise
sūmptuōsus –a –um: expensive
emō emere ēmī ēmptus: to buy
iuvenis –is, m.: youth
dīgredior dīgressus sum: to walk or go apart
heus: hi! hey!
corripiō –ripere –ripuī –reptum: to seize, plunder; rebuke
interdum: sometimes
repente (repens): suddenly
gravitās –tātis, f.: weight
reprehendō reprehendere reprehendī reprehēnsus: to seize
indulgeō indulgēre indulsī indultus: to gratify, indulge in
admoneō admonēre admonuī admonitus: to admonish, remind2
immodicus –a –um: excessive
sevēritās –tātis, f.: severity
mūtuus –a –um: interchangeable,
acerbus –a –um: bitter
tractō –āre –āvī –ātus: to haul