C. PLĪNIUS MAXIMŌ SUŌ S.
Et gaudium mihi et sōlācium in litterīs, nihilque tam laetum quod hīs laetius, tam trīste quod nōn per hās minus trīste. Itaque et īnfirmitāte uxōris et meōrum perīculō, quōrundam vērō etiam morte turbātus, ad ūnicum dolōris levāmentum studia cōnfūgī, quae praestant ut adversa magis intellegam sed patientius feram. [2] Est autem mihi moris, quod sum datūrus in manūs hominum, ante amīcōrum iūdiciō exāmināre, in prīmīs tuō. Proinde sī quandō, nunc intende librō quem cum hāc epistulā accipiēs, quia vereor nē ipse ut trīstis parum intenderim. Imperāre enim dolōrī ut scrīberem potuī; ut vacuō animō laetōque nōn potuī. Porrō ut ex studiīs gaudium sīc studia hilaritāte prōveniunt. Valē.
vocabulary
sōlācium –I(ī), n.: comfort
īnfirmitās –ātis, f.: weakness
meī, m. pl.: my kindred
ūnicus –a –um: unique
levāmentum –ī, n.: an alleviation, mitigation
cōnfugiō –fūgere –fūgī: to flee
adversum –ī, n.: the opposite direction
patienter: adv., patiently
examinō –āre: to weight, test2
imprīmīs (in prīmīs): especially
proinde or proin: just as
porrō: forward, of space, time, or of mental operations, far off
hilaritās –ātis, f.: good humor, merriment, fun
prōveniō –venīre –vēnī –ventūrum: to come forth; come about