C. PLĪNIUS CALPURNIAE SUAE S.
Incrēdibile est quantō dēsīderiō tuī tenear. In causā amor prīmum, deinde quod nōn cōnsuēvimus abesse. Inde est quod magnam noctium partem in imāgine tuā vigil exigō; inde quod interdiū, quibus hōrīs tē vīsere solēbam, ad diaetam tuam ipsī mē, ut vērissimē dīcitur, pedēs dūcunt; quod dēnique aeger et maestus ac similis exclūsō ā vacuō līmine recēdō. Ūnum tempus hīs tormentīs caret, quō in forō et amīcōrum lītibus conteror. [2] Aestimā tū, quae vīta mea sit, cui requiēs in labōre, in miseriā cūrīsque sōlācium. Valē.
vocabulary
incrēdibilis –e: incredible
dēsīderium –i(ī) n.: desire
cōnsuēscō –suescere –suēvī –suētus: to accustom; to be accustomed to
vigil –is: on watch, sleepless
interdiū: by day
vīsō –ere –sī –sus: to look at
diaeta –ae, f.: cabin, hallway
exclūdō –clūdere –clūsī –clūsus: to shut out, exclude; leave uncovered
tormentum –ī, n.: torture
līs lītis, f.: lawsuit; quarrel
conterō –terere –trīvī –trītum: to grind, pound; to bruise, crush, smash; defeat, oppress
aestimō –āre –āvī –ātus: to appraise2
requiēs –ētis (–eī), f.: repose
miseria –ae, f.: wretchedness, misery
sōlācium –i(ī), n.: comfort