C. PLĪNIUS AUGURĪNŌ SUŌ S.
Sī laudātus ā tē, laudāre tē coeperō, vereor nē nōn tam prōferre iūdicium meum quam referre grātiam videar. Sed licet videar, omnia scrīpta tua pulcherrima exīstimō, maximē tamen illa dē nōbīs. [2] Accidit hoc ūnā eādemque dē causā. Nam et tū, quae dē amīcīs, optimē scrībis, et ego, quae dē mē, ut optima lēgō. Valē.
vocabulary
prōferō –ferre –tulī –lātus: to bring forth
scripta –ōrum, n. pl.: writings, works (in poetry or prose)