ἦ καὶ ἀναΐξας ἐριούνιος ἅρμα καὶ ἵππους440
καρπαλίμως μάστιγα καὶ ἡνία λάζετο χερσίν,
ἐν δʼ ἔπνευσʼ ἵπποισι καὶ ἡμιόνοις μένος ἠΰ.
ἀλλʼ ὅτε δὴ πύργους τε νεῶν καὶ τάφρον ἵκοντο,
οἳ δὲ νέον περὶ δόρπα φυλακτῆρες πονέοντο,
τοῖσι δʼ ἐφʼ ὕπνον ἔχευε διάκτορος ἀργεϊφόντης445
πᾶσιν, ἄφαρ δʼ ὤϊξε πύλας καὶ ἀπῶσεν ὀχῆας,
ἐς δʼ ἄγαγε Πρίαμόν τε καὶ ἀγλαὰ δῶρʼ ἐπʼ ἀπήνης.
ἀλλʼ ὅτε δὴ κλισίην Πηληϊάδεω ἀφίκοντο
ὑψηλήν, τὴν Μυρμιδόνες ποίησαν ἄνακτι
δοῦρʼ ἐλάτης κέρσαντες· ἀτὰρ καθύπερθεν ἔρεψαν450
λαχνήεντʼ ὄροφον λειμωνόθεν ἀμήσαντες·
ἀμφὶ δέ οἱ μεγάλην αὐλὴν ποίησαν ἄνακτι
σταυροῖσιν πυκινοῖσι· θύρην δʼ ἔχε μοῦνος ἐπιβλὴς
εἰλάτινος, τὸν τρεῖς μὲν ἐπιρρήσσεσκον Ἀχαιοί,
τρεῖς δʼ ἀναοίγεσκον μεγάλην κληῗδα θυράων455
τῶν ἄλλων· Ἀχιλεὺς δʼ ἄρʼ ἐπιρρήσσεσκε καὶ οἶος·
δή ῥα τόθʼ Ἑρμείας ἐριούνιος ᾦξε γέροντι,
ἐς δʼ ἄγαγε κλυτὰ δῶρα ποδώκεϊ Πηλεΐωνι,
ἐξ ἵππων δʼ ἀπέβαινεν ἐπὶ χθόνα φώνησέν τε·
ὦ γέρον ἤτοι ἐγὼ θεὸς ἄμβροτος εἰλήλουθα460
Ἑρμείας· σοὶ γάρ με πατὴρ ἅμα πομπὸν ὄπασσεν.
ἀλλʼ ἤτοι μὲν ἐγὼ πάλιν εἴσομαι, οὐδʼ Ἀχιλῆος
ὀφθαλμοὺς εἴσειμι· νεμεσσητὸν δέ κεν εἴη
ἀθάνατον θεὸν ὧδε βροτοὺς ἀγαπαζέμεν ἄντην·
τύνη δʼ εἰσελθὼν λαβὲ γούνατα Πηλεΐωνος,465
καί μιν ὑπὲρ πατρὸς καὶ μητέρος ἠϋκόμοιο
λίσσεο καὶ τέκεος, ἵνα οἱ σὺν θυμὸν ὀρίνῃς.
notes
440 ἦ: 3rd sing. impf. act. indic. > ἠμί.
440 ἀναΐξας: “having jumped up onto (accusative)” (LSJ ἀναΐσσω 2).
440 ἅρμα καὶ ἵππους: “chariot and horses” is hendiadys (Smyth 3025) for “horse-drawn chariot.”
442 ἐν … ἔπνευσ(ε): “breathed (acc.) into,” tmesis > ἐμπνἐω.
443 πύργους τε νεῶν καὶ τάφρον: “the towers and trench of the ships” refers to the fortifications defending the Achaean ships.
444 νέον: “just then,” adverbial (LSJ νέος III).
445 ἐφ᾽ … ἔχευε: “poured over,” tmesis > ἐπιχέω.
446 ὤϊξε: 3rd sing. aor. act. indic. > οἴγω.
446 ἀπῶσεν: 3rd sing. aor. act. indic. > ἀπωθέω.
446 ὀχῆας: “bolts,” > ὀχεύς.
447 ἐς … ἄγαγε: “led (accusative) in,” tmesis > εἰσάγω.
449 τὴν: rel. pron., the antecedent of which is κλισίην.
449 ἄνακτι: dative of interest.
450 κέρσαντες: masc. nom. pl. aor. act. ptc. > κείρω.
450 καθύπερθεν ἔρεψαν: “they roofed (the hut),” literally, “they covered with a roof from above.” The hut has a thatched roof, as is explained in the following line.
452 ἀμφὶ: “around (the hut),” adverbial.
453 μοῦνος: μόνος.
454 ἐπιρρήσσεσκον: “would slam shut,” iterative impf. (Smyth 1894) > ἐπιρράσσω.
455 ἀναοίγεσκον: “would open,” iterative impf. > ἀνοίγνυμι.
456 τῶν ἄλλων: “(three) of the others,” that is, of the Achaeans, not to be taken with θυράων.
457 ᾦξε: “opened (the door),” 3rd sing. aor. act. indic. > οἴγω.
459 ἵππων: “the chariot,” the plural (dual) of ἵππος can be used, by metonymy (Smyth 3033), to mean “chariot.”
460 εἰλήλουθα: “I have come to your aid,” 1st sing. pf. act. indic. > ἔρχομαι (LSJ ἔρχομαι A.III.4).
461 πατὴρ: that is, Zeus.
461 ὄπασσεν: “sent (acc.) to be (pred. acc.),” (Smyth 1613).
462 εἴσομαι: 1st sing. fut. mid. indic. > εἶμι.
463 νεμεσσητὸν δέ κεν εἴη: “it would cause indignation for (acc.) to (infin.).”
464 βροτοὺς: dir. obj. of ἀγαπαζέμεν.
464 ἀγαπαζέμεν: pres. act. infin.
465 τύνη: emphatic form of σύ.
466 ὑπὲρ: “in the name of …,” with genitive (LSJ ὑπέρ A.II.3).
467 λίσσεο: 2nd sing. pres. mid. imperat. > λίσσομαι.
467 οἱ: “his,” dative of possession.
467 σὺν … ὀρίνῃς: “you stir up,” 2nd sing. pres. act. subj., tmesis > συνορίνω.