ὣς ἔφαθʼ, οἱ δʼ ἄρα πάντες ἀκὴν ἐγένοντο σιωπῇ.
τοῖσιν δʼ Ἀμφίνομος ἀγορήσατο καὶ μετέειπε,
Νίσου φαίδιμος υἱός, Ἀρητιάδαο ἄνακτος,395
ὅς ῥʼ ἐκ Δουλιχίου πολυπύρου, ποιήεντος,
ἡγεῖτο μνηστῆρσι, μάλιστα δὲ Πηνελοπείῃ
ἥνδανε μύθοισι· φρεσὶ γὰρ κέχρητʼ ἀγαθῇσιν·
ὅ σφιν ἐϋφρονέων ἀγορήσατο καὶ μετέειπεν·
ὦ φίλοι, οὐκ ἂν ἐγώ γε κατακτείνειν ἐθέλοιμι400
Τηλέμαχον· δεινὸν δὲ γένος βασιλήϊόν ἐστιν
κτείνειν· ἀλλὰ πρῶτα θεῶν εἰρώμεθα βουλάς.
εἰ μέν κʼ αἰνήσωσι Διὸς μεγάλοιο θέμιστες,
αὐτός τε κτενέω τούς τʼ ἄλλους πάντας. ἀνώξω·
εἰ δέ κʼ ἀποτρωπῶσι θεοί, παύσασθαι ἄνωγα.405
ὣς ἔφατʼ Ἀμφίνομος, τοῖσιν δʼ ἐπιήνδανε μῦθος.
αὐτίκʼ ἔπειτʼ ἀνστάντες ἔβαν δόμον εἰς Ὀδυσῆος,
ἐλθόντες δὲ καθῖζον ἐπὶ ξεστοῖσι θρόνοισιν.
ἡ δʼ αὖτʼ ἄλλʼ ἐνόησε περίφρων Πηνελόπεια,
μνηστήρεσσι φανῆναι ὑπέρβιον ὕβριν ἔχουσι.410
πεύθετο γὰρ οὗ παιδὸς ἐνὶ μεγάροισιν ὄλεθρον·
κῆρυξ γὰρ οἱ ἔειπε Μέδων, ὃς ἐπεύθετο βουλάς.
βῆ δʼ ἰέναι μέγαρόνδε σὺν ἀμφιπόλοισι γυναιξίν.
ἀλλʼ ὅτε δὴ μνηστῆρας ἀφίκετο δῖα γυναικῶν,
στῆ ῥα παρὰ σταθμὸν τέγεος πύκα ποιητοῖο,415
ἄντα παρειάων σχομένη λιπαρὰ κρήδεμνα,
Ἀντίνοον δʼ ἐνένιπεν ἔπος τʼ ἔφατʼ ἔκ τʼ ὀνόμαζεν·
Ἀντίνοʼ, ὕβριν ἔχων, κακομήχανε, καὶ δέ σέ φασιν
ἐν δήμῳ Ἰθάκης μεθʼ ὁμήλικας ἔμμεν ἄριστον
βουλῇ καὶ μύθοισι· σὺ δʼ οὐκ ἄρα τοῖος ἔησθα.420
μάργε, τίη δὲ σὺ Τηλεμάχῳ θάνατόν τε μόρον τε
ῥάπτεις, οὐδʼ ἱκέτας ἐμπάζεαι, οἷσιν ἄρα Ζεὺς
μάρτυρος; οὐδʼ ὁσίη κακὰ ῥάπτειν ἀλλήλοισιν.
ἦ οὐκ οἶσθʼ ὅτε δεῦρο πατὴρ τεὸς ἵκετο φεύγων,
δῆμον ὑποδείσας; δὴ γὰρ κεχολώατο λίην,425
οὕνεκα ληϊστῆρσιν ἐπισπόμενος Ταφίοισιν
ἤκαχε Θεσπρωτούς· οἱ δʼ ἡμῖν ἄρθμιοι ἦσαν·
τόν ῥʼ ἔθελον φθῖσαι καὶ ἀπορραῖσαι φίλον ἦτορ
ἠδὲ κατὰ ζωὴν φαγέειν μενοεικέα πολλήν·
ἀλλʼ Ὀδυσεὺς κατέρυκε καὶ ἔσχεθεν ἱεμένους. περ.430
τοῦ νῦν οἶκον ἄτιμον ἔδεις, μνάᾳ δὲ γυναῖκα
παῖδά τʼ ἀποκτείνεις, ἐμὲ δὲ μεγάλως. ἀκαχίζεις·
ἀλλά σε παύσασθαι κέλομαι καὶ ἀνωγέμεν ἄλλους.
notes
Antilochus addresses the suitors and Penelope rebukes him
398 κέχρητ᾽: “had,” = ἐκέχρητο, unaugmented 3rd sing. plupf. mid./pass. indic. > χράομαι (LSJ χράω (B) C.I.3).
410 φανῆναι: aor. pass. infin. > φαίνω. With ἐνόησε (“was minded to appear”).
411 πεύθετο: “she heard about (acc.),” 3rd sing. impf. mid./pass. indic. > πεύθομαι / πυνθάνομαι.
417 ἐνένιπεν: 3rd sing. aor. act. indic. > ἐνίπτω.
419 μεθ᾽: “among” (Merry points out that this use of μετά with the accusative is rare except with verbs of motion).
420 ἔησθα: 2nd sing. impf. act. indic. > εἰμί. The “imperfect of discovery” (Stanford) or “imperfect of a truth just recognized” (Smyth 1902).
422 ἐμπάζεαι: 2nd sing. pres. mid./pass. indic. > ἐμπάζομαι. The verb usually takes a genitive, but only here takes an accusative.
425 κεχολώατο: “they (the people) were angry,” 3rd pl. plupf. mid./pass. indic. > χολόω.
426 ἐπισπόμενος: “having gone along with (dat.),” “having joined up with (dat.),” masc. nom. sing. aor. mid. ptc. > ἐφέπω.
427 ἤκαχε: 3rd sing. aor. act. indic. > ἀχεύω.
428 ἀπορραῖσαι: “to deprive (acc.) of (acc.)” (LSJ ἀπορραίω).
429 κατὰ … φαγέειν: “to devour,” aor. act. infin., tmesis > κατεσθίω.
430 ἔσχεθεν: “held them back,” 3rd sing. aor. act. indic. > ἔχω (LSJ ἔχω A.II.9).
431 ἄτιμον: “without payment” (LSJ ἄτιμος II.1).
431 μνάᾳ: 2nd sing. pres. mid./pass. indic. > μνάομαι.