Ἀγοράστης
βαβαὶ τῆς φιλοδωρίας. τῆς δὲ σοφίας τί σοι τὸ κεφάλαιον;
Σωκράτης
αἱ ἰδέαι καὶ τὰ τῶν ὄντων παραδείγματα· ὁπόσα γὰρ δὴ ὁρᾷς, τὴν γῆν, τὰ ἐπὶ γῆς, τὸν οὐρανόν, τὴν θάλατταν, ἁπάντων τούτων εἰκόνες ἀφανεῖς ἑστᾶσιν ἔξω τῶν ὅλων.
Ἀγοράστης
ποῦ δ᾽ ἑστᾶσιν;
Σωκράτης
οὐδαμοῦ· εἰ γάρ που εἶεν, οὐκ ἂν εἶεν.
Ἀγοράστης
οὐχ ὁρῶ ταῦθ᾽ ἅπερ λέγεις τὰ παραδείγματα.
Σωκράτης
εἰκότως· τυφλὸς γὰρ εἶ τῆς ψυχῆς τὸν ὀφθαλμόν. ἐγὼ δὲ πάντων ὁρῶ εἰκόνας καὶ σὲ ἀφανῆ κἀμὲ ἄλλον, καὶ ὅλως διπλᾶ πάντα.
Ἀγοράστης
τοιγαροῦν ὠνητέος εἶ σοφὸς καὶ ὀξυδερκής τις ὤν. φέρε ἴδω τί καὶ πράξεις με ὑπὲρ αὐτοῦ σύ;
Ἑρμῆς
δὸς δύο τάλαντα.
Ἀγοράστης
Ὠνησάμην ὅσου φής. τἀργύριον μέντοι εἰς αὖθις καταβαλῶ.
vocabulary
Βαβαί: Oh my!
φιλοδωρ-ία , ας, ἡ : Generosity
κεφάλαι-ος, α, ον, : Of the head, Main point
παράδειγ-μα , ατος, τό: Model, form, pattern
ὁπόσος, α, ον: as many, as many as
οὐδαμοῦ: nowhere
ἐοικότως: similarly, like, suitably
ὀξυ-δερκής , ές, : sharp-sighted, quick-sighted,
φέρε ἴδω: come now, let me see
τάλαντον, ου, τό: A Talent