'Ō sociī (neque enim ignārī sumus ante malōrum),
ō passī graviōra, dabit deus hīs quoque fīnem.
Vōs et Scyllaeam rabiem penitusque sonantēs200
accestis scopulōs, vōs et Cyclōpia saxa
expertī: revocāte animōs maestumque timōrem
mittite; forsan et haec ōlim meminisse iuvābit.
Per variōs cāsūs, per tot discrīmina rērum
tendimus in Latium, sēdēs ubi Fāta quiētās205
ostendunt; illīc fās rēgna resurgere Trōiae.
Dūrāte, et vōsmet rēbus servāte secundīs.'
notes
vocabulary
media
Text Read Aloud