τῆς δʼ ἐπεὶ ἐκ μέλαν αἷμα ῥύη, λίπε δʼ ὀστέα θυμός,455
αἶψʼ ἄρα μιν διέχευαν, ἄφαρ δʼ ἐκ μηρία τάμνον
πάντα κατὰ μοῖραν, κατά τε κνίσῃ ἐκάλυψαν
δίπτυχα ποιήσαντες, ἐπʼ αὐτῶν δʼ ὠμοθέτησαν.
καῖε δʼ ἐπὶ σχίζῃς ὁ γέρων, ἐπὶ δʼ αἴθοπα οἶνον
λεῖβε· νέοι δὲ παρʼ αὐτὸν ἔχον πεμπώβολα χερσίν.460
αὐτὰρ ἐπεὶ κατὰ μῆρʼ ἐκάη καὶ σπλάγχνα πάσαντο,
μίστυλλόν τʼ ἄρα τἆλλα καὶ ἀμφʼ ὀβελοῖσιν ἔπειραν,
ὤπτων δʼ ἀκροπόρους ὀβελοὺς ἐν χερσὶν ἔχοντες.
τόφρα δὲ Τηλέμαχον λοῦσεν καλὴ Πολυκάστη,
Νέστορος ὁπλοτάτη θυγάτηρ Νηληϊάδαο.465
αὐτὰρ ἐπεὶ λοῦσέν τε καὶ ἔχρισεν λίπʼ ἐλαίῳ,
ἀμφὶ δέ μιν φᾶρος καλὸν βάλεν ἠδὲ χιτῶνα,
ἔκ ῥʼ ἀσαμίνθου βῆ δέμας ἀθανάτοισιν ὁμοῖος·
πὰρ δʼ ὅ γε Νέστορʼ ἰὼν κατʼ ἄρʼ ἕζετο, ποιμένα λαῶν.
οἱ δʼ ἐπεὶ ὤπτησαν κρέʼ ὑπέρτερα καὶ ἐρύσαντο,470
δαίνυνθʼ ἑζόμενοι· ἐπὶ δʼ ἀνέρες ἐσθλοὶ ὄροντο
οἶνον οἰνοχοεῦντες ἐνὶ χρυσέοις δεπάεσσιν.
αὐτὰρ ἐπεὶ πόσιος καὶ ἐδητύος ἐξ ἔρον ἕντο,
τοῖσι δὲ μύθων ἦρχε Γερήνιος ἱππότα Νέστωρ·
παῖδες ἐμοί, ἄγε Τηλεμάχῳ καλλίτριχας ἵππους475
ζεύξαθʼ ὑφʼ ἅρματʼ ἄγοντες, ἵνα πρήσσῃσιν ὁδοῖο.
ὣς ἔφαθʼ, οἱ δʼ ἄρα τοῦ μάλα μὲν κλύον ἠδʼ ἐπίθοντο,
καρπαλίμως δʼ ἔζευξαν ὑφʼ ἅρμασιν ὠκέας ἵππους.
ἐν δὲ γυνὴ ταμίη σῖτον καὶ οἶνον ἔθηκεν
ὄψα τε, οἷα ἔδουσι διοτρεφέες βασιλῆες.480
ἂν δʼ ἄρα Τηλέμαχος περικαλλέα βήσετο δίφρον·
πὰρ δʼ ἄρα Νεστορίδης Πεισίστρατος, ὄρχαμος ἀνδρῶν,
ἐς δίφρον τʼ ἀνέβαινε καὶ ἡνία λάζετο χερσί,
μάστιξεν δʼ ἐλάαν, τὼ δʼ οὐκ ἀέκοντε πετέσθην
ἐς πεδίον, λιπέτην δὲ Πύλου αἰπὺ πτολίεθρον.485
οἱ δὲ πανημέριοι σεῖον ζυγὸν ἀμφὶς ἔχοντες.
δύσετό τʼ ἠέλιος σκιόωντό τε πᾶσαι ἀγυιαί,
ἐς Φηρὰς δʼ ἵκοντο Διοκλῆος ποτὶ δῶμα,
υἱέος Ὀρτιλόχοιο, τὸν Ἀλφειὸς τέκε παῖδα.
ἔνθα δὲ νύκτʼ ἄεσαν, ὁ δὲ τοῖς πὰρ ξείνια θῆκεν.490
ἦμος δʼ ἠριγένεια φάνη ῥοδοδάκτυλος Ἠώς,
ἵππους τε ζεύγνυντʼ ἀνά θʼ ἅρματα ποικίλʼ ἔβαινον·
ἐκ δʼ ἔλασαν προθύροιο καὶ αἰθούσης ἐριδούπου·
μάστιξεν δʼ ἐλάαν, τὼ δʼ οὐκ ἀέκοντε πετέσθην.
ἷξον δʼ ἐς πεδίον πυρηφόρον, ἔνθα δʼ ἔπειτα495
ἦνον ὁδόν· τοῖον γὰρ ὑπέκφερον ὠκέες ἵπποι.
δύσετό τʼ ἠέλιος σκιόωντό τε πᾶσαι ἀγυιαί.
notes
455 τῆς: either possessive (“its blood”) or governed by the ἐκ (“out of it”).
455 ἐκ… ῥύη: aor. act. indic., tmesis > ἐκρέω, or ἐκ can be taken as adverbial.
456 ἐκ … τάμνον: tmesis > ἐκτἀμνω (LSJ ἐκτέμνω).
457 κατά … ἐκάλυψαν: tmesis > κατακαλύπτω.
457 κνίσῃ: “with the caul fat,” dative of means. Κνίση can refer to the smoke produced by the burning fat, or to the fat itself.
461 κατὰ … ἐκάη: aor., tmesis > κατακαίω.
461 μῆρ(α): alternate form of μηρία, “thighbones.”
462 μίστυλλόν: unagumented impf. > μιστύλλω.
462 τἆλλα: τὰ ἄλλα, the other pieces of meat.
462 ἀμφ(ὶ): “right through,” that is, so that the skewer goes through both sides of the piece of meat (LSJ ἀμφί E).
462 ὀβελοῖσιν: dative of means.
467 ἀμφὶ … βάλεν: “put (acc. of thing) on (acc. of person),” tmesis > ἀμφιβάλλω.
468 δέμας: accusative of respect.
470 κρέ᾽ ὑπέρτερα: “the outer meat,” as opposed to the innards (σπλάγχνα). Line 470 is a repetition of line 65.
470 ἐρύσαντο: “drew (the meat) off (the spit) for themselves.”
471 δαίνυνθ᾽: δαίνυντο, unaugmented impf.
471 ἐπὶ … ὄροντο: “were looking after them,” “were attending them,” unaugmented impf. mid., tmesis > ἐφοράω (LSJ ἐφοράω).
475 Τηλεμάχῳ: dative of interest.
479 ἐν: “in it,” that is, in the chariot. Or tmesis with ἔθηκεν > ἐντίθημι.
481 ἂν … βήσετο: tmesis > ἀναβαίνω.
482 πὰρ: “beside him.”
484 ἐλάαν: pres. act. infin. > ἐλαύνω. Infinitive of purpose.
484 τὼ … ἀέκοντε πετέσθην / … λιπέτην: duals.
486 σεῖον: unaugmented impf. > σείω. ζυγὸν is the object of this verb and of the participial phrase ἀμφὶς ἔχοντες.
486 ἀμφὶς ἔχοντες: “supporting it (the yoke) on both ends.”
488 Φηρὰς: Pherai (modern Kalamata), a town in Messenia, roughly halfway between Pylos and Sparta.
489 παῖδα: predicate.
493 ἐκ … ἔλασαν: “drove out of,” tmesis > ἐξελαύνω, with genitive.
494 A repetition of 484.
496 ἦνον: “kept trying to complete” > ἄνω. Stanford reads this as a conative imperfect (Smyth 1895).
496 τοῖον: “in such away,” adverbial acc.
496 ὑπέκφερον: “were carrying them onward,” impf. > ὑπεκφέρω.