τὴν δʼ ἄρʼ ὑπόδρα ἰδὼν προσέφη πολύμητις Ὀδυσσεύς·
ἦ τάχα Τηλεμάχῳ ἐρέω, κύον, οἷʼ ἀγορεύεις,
κεῖσʼ ἐλθών, ἵνα σʼ αὖθι διὰ μελεϊστὶ τάμῃσιν.
ὣς εἰπὼν ἐπέεσσι διεπτοίησε γυναῖκας.340
βὰν δʼ ἴμεναι διὰ δῶμα, λύθεν δʼ ὑπὸ γυῖα ἑκάστης
ταρβοσύνῃ· φὰν γάρ μιν ἀληθέα μυθήσασθαι.
αὐτὰρ ὁ πὰρ λαμπτῆρσι φαείνων αἰθομένοισιν
ἑστήκειν ἐς πάντας ὁρώμενος· ἄλλα δέ οἱ κῆρ
ὥρμαινε φρεσὶν ᾗσιν, ἅ ῥʼ οὐκ ἀτέλεστα γένοντο.345
μνηστῆρας δʼ οὐ πάμπαν ἀγήνορας εἴα Ἀθήνη
λώβης ἴσχεσθαι θυμαλγέος, ὄφρʼ ἔτι μᾶλλον
δύη ἄχος κραδίην Λαερτιάδεω Ὀδυσῆος.
τοῖσιν δʼ Εὐρύμαχος, Πολύβου πάϊς, ἦρχʼ ἀγορεύειν,
κερτομέων Ὀδυσῆα· γέλω δʼ ἑτάροισιν ἔτευχε.350
κέκλυτέ μευ, μνηστῆρες ἀγακλειτῆς βασιλείης,
ὄφρʼ εἴπω τά με θυμὸς ἐνὶ στήθεσσι κελεύει.
οὐκ ἀθεεὶ ὅδʼ ἀνὴρ Ὀδυσήϊον ἐς δόμον ἵκει·
ἔμπης μοι δοκέει δαίδων σέλας ἔμμεναι αὐτοῦ
κὰκ κεφαλῆς, ἐπεὶ οὔ οἱ ἔνι τρίχες οὐδʼ ἠβαιαί.355
ἦ ῥʼ, ἅμα τε προσέειπεν Ὀδυσσῆα πτολίπορθον·
ξεῖνʼ, ἦ ἄρ κʼ ἐθέλοις θητευέμεν, εἴ σʼ ἀνελοίμην,
ἀγροῦ ἐπʼ ἐσχατιῆς—μισθὸς δέ τοι ἄρκιος ἔσται—
αἱμασιάς τε λέγων καὶ δένδρεα μακρὰ φυτεύων;
ἔνθα κʼ ἐγὼ σῖτον μὲν ἐπηετανὸν παρέχοιμι,360
εἵματα δʼ ἀμφιέσαιμι ποσίν θʼ ὑποδήματα δοίην.
ἀλλʼ ἐπεὶ οὖν δὴ ἔργα κάκʼ ἔμμαθες, οὐκ ἐθελήσεις
ἔργον ἐποίχεσθαι, ἀλλὰ πτώσσειν κατὰ δῆμον
βούλεαι, ὄφρʼ ἄν ἔχῃς βόσκειν σὴν γαστέρʼ ἄναλτον.
notes
Eurymachus mocks Odysseus.
339 διὰ … τάμῃσιν: “he might cut (you) up,” 3rd sing. aor. act. subj., tmesis > διατέμνω.
341 ὑπὸ: with ἑκάστης.
342 φὰν: 3rd pl. impf. act. indic. > φημί. Here, as often in Homer, the verb means “to think” rather than “to say.”
344 ἑστήκειν: 3rd sing. pf. act. indic. > ἵσημι.
347 ἴσχεσθαι: “to restrain themselves from (gen.),” “to refrain from (gen.),” mid. infin. > ἴσχω.
348 δύη: “might sink into,” 3rd sing. pres. act. opt. > δύω.
349 τοῖσιν: to the suitors.
350 γέλω: acc. (LSJ γέλως).
355 κὰκ: κατά.
355 ἔνι: ἔνεστι.
357 σ᾽ ἀνελοίμην: “take you on,” “hire you,” 1st sing. aor. mid. opt. > ἀναιρέω.
359 λέγων: either (1) “laying,” in the sense of “building” (LSJ αἱμασιά), or, more likely, (2) “gathering (stones for) walls” (LSJ λέγω I.1). Note that LSJ itself is confused. See Merry’s note.
364 ἔχῃς: “you would be able to (infin.)” (LSJ ἔχω II.1.a).