Juno and Semele (Met. 3.287-315)
Tālibus ignāram Iūnō Cadmēida dictīs
fōrmārat: rogat illa Iovem sine nōmine mūnus.
cui deus 'ēlige!' ait 'nūllam patiēre repulsam,
quōque magis crēdās, Stygiī quoque cōnscia suntō 290
nūmina torrentis: timor et deus ille deōrum est.'
laeta malō nimiumque potēns peritūraque amantis
obsequiō Semelē 'quālem Sāturnia' dīxit
'tē solet amplectī, Veneris cum foedus inītis,
dā mihi tē tālem!' voluit deus ōra loquentis 295
