At nōn caede virī tantā perterrita Lausus,
pars ingēns bellī, sinit agmina: prīmus Abantem
oppositum interimit, pūgnae nōdumque moramque.
Sternitur Arcadiae prōlēs, sternuntur Etruscī
et vōs, ō Grāīs imperdita corpora, Teucrī.430
Agmina concurrunt ducibusque et vīribus aequīs;
extrēmī addēnsent aciēs nec turba movērī
tēla manūsque sinīt. Hinc Pallās īnstat et urget,
hinc contrā Lausus, nec multum discrepat aetās,
ēgregiī fōrmā, sed quīs fortūna negārat435
in patriam reditūs. Ipsōs concurrere passus
haud tamen inter sē māgnī rēgnātor Olympī;
mox illōs sua fāta manent māiōre sub hoste.
vocabulary
media
Maps and Images