Tum gemini fratres Tiburtia moenia linquunt,670
fratris Tiburti dictam cognomine gentem,
Catillusque acerque Coras, Argiua iuuentus,
et primam ante aciem densa inter tela feruntur:
ceu duo nubigenae cum uertice montis ab alto
descendunt Centauri Homolen Othrymque niualem675
linquentes cursu rapido; dat euntibus ingens
silua locum et magno cedunt uirgulta fragore.
vocabulary
media
Maps and Images