Χρύσιππος
ἀλλὰ μὴν αὐτὸς οὗτος ἦν ὁ πατήρ ὁ σός· ὥστε εἰ τοῦτον ἀγνοεῖς, δῆλος εἶ τὸν πατέρα τὸν σὸν ἀγνοῶν.
Ἀγοράστης
οὐ μὲν οὖν· ἀλλ᾽ ἀποκαλύψας αὐτὸν εἴσομαι τὴν ἀλήθειαν. ὅμως δ᾽ οὖν τί σοι τῆς σοφίας τὸ τέλος, ἢ τί πράξεις πρὸς τὸ ἀκρότατον τῆς ἀρετῆς ἀφικόμενος;
Χρύσιππος
περὶ τὰ πρῶτα κατὰ φύσιν τότε γενήσομαι, λέγω δὲ πλοῦτον, ὑγίειαν καὶ τὰ τοιαῦτα. πρότερον δὲ ἀνάγκη πολλὰ προπονῆσαι λεπτογράφοις βιβλίοις παραθήγοντα τὴν ὄψιν καὶ σχόλια συναγείροντα καὶ σολοικισμῶν ἐμπιπλάμενον καὶ ἀτόπων ῥημάτων· καὶ τὸ κεφάλαιον, οὐ θέμις γενέσθαι σοφόν, ἢν μὴ τρὶς ἐφεξῆς τοῦ ἐλλεβόρου πίῃς.
Ἀγοράστης
γενναῖά σου ταῦτα καὶ δεινῶς ἀνδρικά. τὸ δὲ Γνίφωνα εἶναι καὶ τοκογλύφον — καὶ γὰρ τάδε ὁρῶ σοι προσόντα — τί φῶμεν, ἀνδρὸς ἤδη πεπωκότος τὸν ἐλλέβορον καὶ τελείου πρὸς ἀρετήν;
Χρύσιππος
ναί· μόνῳ γοῦν τὸ δανείζειν πρέποι ἂν τῷ σοφῷ· ἐπεὶ γὰρ ἴδιον αὐτοῦ συλλογίζεσθαι, τὸ δανείζειν δὲ καὶ λογίζεσθαι τοὺς τόκους πλησίον εἶναι δοκεῖ τῷ συλλογίζεσθαι, μόνου ἂν εἴη τοῦ σπουδαίου καθάπερ ἐκεῖνο καὶ τοῦτο, καὶ οὐ μόνον γε ἁπλοῦς, ὥσπερ οἱ ἄλλοι, τοὺς τόκους, ἀλλὰ καὶ τούτων ἑτέρους τόκους λαμβάνειν· ἢ γὰρ ἀγνοεῖς ὅτι τῶν τόκων οἱ μέν εἰσι πρῶτοί τινες, οἱ δὲ δεύτεροι, καθάπερ αὐτῶν ἐκείνων ἀπόγονοι; ὁρᾷς δὲ δὴ καὶ τὸν συλλογισμὸν ὁποῖά φησιν· εἰ τὸν πρῶτον τόκον λήψεται, λήψεται καὶ τὸν δεύτερον· ἀλλὰ μὴν τὸν πρῶτον λήψεται, λήψεται ἄρα καὶ τὸν δεύτερον.
vocabulary
ἀγνοέω: to not know, perceive, or recognize
ἀποκαλύπτω: to uncover
ἄκρος, -α, -ον: at the farthest point; το ἀκρότατον: the very peak
πλοῦτος, -ου, ὁ: wealth, riches
ὑγίεια, ὑγίειας, ἡ: health, soundness
προπονέω: to work, labor beforehand, work up first
λεπτόγραφος, -ον: written small
βιβλίον, -ου, τό: a paper, scroll, letter
παραθήγω: sharpen
ὄψις, ὄψεως, ἡ: vision, sight
σχόλιον, -ου τό: interpretation, comment, short note
συναγείρω: gather together, assemble
σολοικισμός, -οῦ, ὁ: solecism, improper use of language
ἐμπίμπλημι: to fill oneself with (+ gen.)
ἄτοπος, -ον: out of place, bizarre
ῥῆμα, -ατος, τό: word, line, verse
κεφάλαιον, -ου, τό: the head; the cheif or main point
θέμις, θέμιδος, ἡ: that which is right or correct, justice, right
ἐφεξῆς: (adv.) in a row, one after another
ἑλλέβορος, -ου, ὁ: hellebore, a plant used to cure madness
ἀνδρικός, -ή, -όν: courageous, manly
γνίφων, γνίφωνος, ὁ: a stingy or ungenerous person
τοκογλύφος, -ου, ὁ: usurer, loan-shark
τέλειος, -α, -ον: perfect, accomplished
δανείζω: lend money
πρέπω: to resemble, to seem; to befit, to be appropriate to (+ dat.)
συλλογίζομαι: draw inferences
λογίζομαι: reckon, calculate
τόκος, -ου ὁ interest on money that has been lent
σπουδαῖος, -α -ον: important, serious
ἁπλόος, -η, -ον: simple, single
καθάπερ: just as, so to speak, as it were
ἀπόγονοι, ἀπογόνων, οἱ: offspring, descendants