Tālibus ignāram Iūnō Cadmēida dictīs
fōrmārat: rogat illa Iovem sine nōmine mūnus.
cui deus 'ēlige!' ait 'nūllam patiēre repulsam,
quōque magis crēdās, Stygiī quoque cōnscia suntō 290
nūmina torrentis: timor et deus ille deōrum est.'
laeta malō nimiumque potēns peritūraque amantis
obsequiō Semelē 'quālem Sāturnia' dīxit
'tē solet amplectī, Veneris cum foedus inītis,
dā mihi tē tālem!' voluit deus ōra loquentis 295
opprimere: exierat iam vōx properāta sub aurās.
ingemuit; neque enim nōn haec optāsse, neque ille
nōn iūrāsse potest. ergō maestissimus altum
aethera cōnscendit vultūque sequentia trāxit
nūbila, quīs nimbōs inmixtaque fulgura ventīs 300
addidit et tonitrūs et inēvītābile fulmen;
quā tamen usque potest, vīrēs sibi dēmere temptat
nec, quō centimānum dēiēcerat igne Typhōeā,
nunc armātur eō: nimium feritātis in illō est.
est aliud levius fulmen, cui dextra cyclōpum 305
saevitiae flammaeque minus, minus addidit īrae:
tēla secunda vocant superī; capit illa domumque
intrat Agēnoream. corpus mortāle tumultūs
nōn tulit aetheriōs dōnīsque iugālibus ārsit.
inperfectus adhūc īnfāns genetrīcis ab alvō 310
ēripitur patriōque tener (sī crēdere dignum est)
īnsuitur femorī māternaque tempora conplet.
fūrtim illum prīmīs Īnō mātertera cūnīs
ēducat, inde datum nymphae Nȳsēidēs antrīs
occuluēre suīs lactīsque alimenta dedēre. 315
vocabulary
| ignārus –a –um | ignorant |
| Iūnō Iūnōnis f. | Juno |
| Cadmēis –idis | daughter of Cadmus |
| fōrmō fōrmāre fōrmāvī fōrmātus | to form, shape |
| Iuppiter Iovis m. | Jupiter |
| ēligo -ere | choose |
| repulsa -ae f. | refusal, denial, repulse |
| Stygius –a –um |
Stygian; pertaining to Styx (river) 290 |
| cōnscius –a –um | involved, witness |
| torrens –ntis m. | torrent |
| nimium (nimiō) | too (much) |
| obsequium –ī n. | compliance |
| amplector amplectī amplexus sum | to embrace |
| Venus –eris f. | Venus |
| foedus foederis n. | contract, treaty |
| ineō inīre iniī/inīvī initus | to enter 295 |
| opprimō opprimere oppressī oppressus | to press on |
| exeō -īre -iī | come out, slip out |
| propero (1) | hurry |
| ingemō –ere –uī –itus | to sigh or groan |
| cōnscendō –ere –scendī –scēnsus | to ascend |
| nūbĭla -ōrum, n. | the clouds 300 |
| nimbus –ī m. |
rain–cloud, cloud–burst, downpour |
| immisceō –miscuī –mixtus (–mistus) | to mingle with; usually w. dat. |
| fulgor –ōris m. or fulgur –ūris n. | lightning, flash, brightness |
| tonitrus –ūs m. or tonitruum –ī n. | thunder |
| inēvītābilis –e | unavoidable, inevitable |
| fulmen -ĭnis n. | thunderbolt, lightning |
| dēmō dēmere dēmpsī dēmptus | to remove |
| tentō tentāre tentāvī tentātus | to try |
| centimanus –a –um | with a hundred hands |
| dēiciō dēicere dēiēcī deīctum | to throw down, eject |
| Typhōeus (trisyl.) -ĕos, m. |
Typhoeus, a Giant who had once tried to dethrone Jupiter |
| armō armāre armāvī armātus | to equip, arm |
| nimium (nimiō) | too (much) |
| feritās –ātis f. | fierceness |
| fulmen fulminis n. | lightening, thunderbolt 305 |
| dextera dextera f. | right hand |
| Cyclōps –ōpis m. | Cyclops |
| saevitia saevitiae f. | ferocity |
| Agēnoreus –a –um | pertaining to Agenor |
| tumultus tumultūs m. | assault |
| aetherius (aetherius) –a –um | heavenly |
| iugālis –e | relating to marriage |
| imperfectus –a –um | unformed 310 |
| īnfāns –antis | infant, baby |
| genetrīx –īcis f. | mother |
| alvus –ī f. | abdomen, womb |
| patrius –a –um | paternal |
| īnsuō –ere –uī –ūtus | to sew or stitch in |
| femur –oris n. (rarely femen –inis n.) | thigh |
| māternus –a –um | maternal |
| compleō complēre complēvī complētus | complete |
| furtim | secretly |
| Īnō Īnūs f. or Īnō Īnōnis f. | Ino, a daughter of Cadmus |
| mātertera –ae f. | a mother's sister, an aunt |
| cūnae –ārum f. | cradle, i.e. early years |
| ēducō –āre –āvī –ātum | to bring up educate |
| nympha –ae (nymphē –ēs) f. | nymph |
| Nyseides | Nymphs of Nysa |
| antrum –ī n. | cave |
| occulō occulere occuluī occultus | to cover |
| lac lactis n. | milk |
| alimentum –ī n. | nourishment, food |