Iam gravis aequābat lūctūs et mūtua Māvors755
fūnera; caedēbant pariter pariterque ruēbant
victōrēs victīque, neque hīs fuga nōta neque illīs.
Dī Iovis in tēctīs īram miserantur inānem
ambōrum et tantōs mortālibus esse labōrēs;
hinc Venus, hinc contrā spectat Sāturnia Iūnō.760
pallida Tīsiphonē media inter mīlia saevit.
At vērō ingentem quatiēns Mezentius hastam
turbidus ingreditur campō. Quam māgnus Orīōn,
cum pedes incēdit mediī per māxima Nēreī
stāgna viam scindēns, umerō superēminet undās,765
aut summīs referēns annōsam montibus ornum
ingrediturque solō et caput inter nūbila condit,
tālis sē vāstīs īnfert Mezentius armīs.
vocabulary
media
Maps and Images