M. Nōn equidem invideō, mīror magis: undique tōtīs
usque adeō turbātur agrīs. ēn ipse capellās
prōtinus aeger agō; hanc etiam vix, Tītyre, dūcō.
hīc inter dēnsās corylōs modo namque gemellōs,
spem gregis, ā! silice in nūdā conīxa relīquit.20
saepe malum hoc nōbīs, sī mēns nōn laeva fuisset,
dē caelō tāctās meminī praedīcere quercūs.
sed tamen iste deus quī sit, dā, Tītyre, nōbīs.
T. Urbem quam dīcunt Rōmam, Meliboee, putāvī
stultus ego huic nostrae similem, quō saepe solēmus20
pāstōrēs ovium tenerōs dēpellere fētūs.
sīc canibus catulōs similīs, sīc mātribus haedōs
nōram, sīc parvīs compōnere māgna solēbam.
vērum haec tantum aliās inter caput extulit urbēs
quantum lenta solent inter vīburna cupressī.25
notes
notes go here
vocabulary
vocab goes here