At barbarī, cōnsiliō Rōmānōrum cōgnitō praemīssō equitātū et essedāriīs, quō plērumque genere in proeliīs ūtī cōnsuērunt, reliquīs cōpiīs subsecūtī nostrōs nāvibus ēgredī prohibēbant. Erat ob hās causās summa difficultās, quod nāvēs propter māgnitūdinem nisi in altō cōnstituī nōn poterant, mīlitibus autem, īgnōtīs locīs, impedītīs manibus, māgnō et gravī onere armōrum oppressīs, simul et dē nāvibus dēsiliendum et in fluctibus cōnsistendum et cum hostibus erat pūgnandum, cum illī aut ex āridō aut paulum in aquam prōgressī, omnibus membrīs expedītīs, nōtissimīs locīs, audācter tēla cōicerent et equōs īnsuēfactōs incitārent. Quibus rēbus nostrī perterritī atque hūius omnīnō generis pūgnae imperītī, nōn eādem alacritāte āc studiō quō in pedestribus ūtī proeliīs cōnsuērant utēbantur.
notes
vocabulary
ĕquĭtātus, -ūs m.: 骑兵
essĕdārĭus, -i m.: 英国或高卢双轮战车内的战士；双轮战车战士
consŭĕo, -ēre: 习惯，惯于
subsĕquor, -sequi, -secūtus sum: 跟随，紧跟
difficultas, -ātis f.: 困难，麻烦，苦恼
īgnōtus, -a, -um: 未知的
impĕdĭo, -īre, -īvi, -ītum: 缠住，使...中圈套，妨碍
opprĭmo, -ere, -essi, -essum: 压制，紧压；封锁，封闭
dēsĭlĭo, -silīre, -sĭlŭi, -sultum: 跃下；下马
aridus, -a, -um: 干涸的，枯萎的，干枯的
prōgrĕdĭor, -iri, -gressus: 前行，前进
expĕdītus, -a, -um: 没有束缚的，行动自由的；畅通无阻的，自由的
audacter: 勇敢地
cōnĭcĭo, -icĕre, -iēci, -iectum: 扔出；猛扔
insŭēfactus, -a, -um: 习惯的
media
