Callimachus /

Introduction and notes by Susan Stephens

Icus

Fr. 178

      ἠὼς οὐδὲ πιθοιγὶς ἐλάνθανεν οὐδ' ὅτε δούλοις

           ἦμαρ Ὀρέστειοι λευκὸν ἄγουσι χόες·

      Ἰκαρίου καὶ παιδὸς ἄγων ἐπέτειον ἁγιστύν,

           Ἀτθίσιν οἰκτίστη, σὸν φάος, Ἠριγόνη,  

5    ἐς δαίτην ἐκάλεσσεν ὁμηθέας, ἐν δέ νυ τοῖσι 

          ξεῖνον ὃς Α[]γύπτῳ καινὸς ἀνεστρέφετο

      μεμβλωκὼς ἴδιόν τι κατὰ χρέος· ἦν δὲ γενέθλην

           Ἴκιος, ᾧ ξυνὴν εἶχον ἐγὼ κλισίην

      οὐκ ἐπιτάξ, ἀλλ' αἶνος Ὁμηρικός, αἰὲν ὁμοῖον

10       ὡς θεός, οὐ ψευδής, ἐς τὸν ὁμοῖον ἄγει.

      καὶ γὰρ ὁ Θρηϊκίην μὲν ἀπέστυγε χανδὸν ἄμυστιν

           ζωροποτεῖν, ὀλίγῳ δ' ἥδετο κισσυβίῳ.

      τῷ μὲν ἐγὼ τάδ' ἔλεξα περιστείχοντος ἀλείσου

           τὸ τρίτον, εὖτ' ἐδάην οὔνομα καὶ γενεήν·

15  ʿἦ μάλ' ἔπος τόδ' ἀληθές, ὅ τ' οὐ μόνον ὕδατος αἶσαν,

           ἀλλ' ἔτι καὶ λέσχης οἶνος ἔχειν ἐθέλει.  

      τὴν ἡμεῖς— οὐκ ἐν γ[]ρ ἀρυστήρεσσι φορεῖται

           οὐδέ μιν εἰς ἀτ[ενεῖ]ς ὀφρύας οἰνοχόων

      αἰτήσεις ὁρόω[ν] ὅτ' ἐλεύθερος ἀτμένα σαίνει—   

20       βάλλωμεν χαλεπῷ φάρμακον ἐν πόματι,

      Θεύγενες· ὅσσ[α] δ' ἐμεῖο σ[έ]θεν πάρα θυμὸς ἀκοῦσαι 

           ἰχαίνει, τάδε μοι λ[έ]ξον [ἀνειρομέν]ῳ·

      Μυρμιδόνων ἑσσῆνα τ[ί πάτριον ὔ]μμι σέβεσθαι

           Πηλέα, κῶς Ἴκῳ ξυν[ὰ τὰ Θεσσαλι]κά,

25  τεῦ δ' ἕνεκεν γήτειον ιδ[. .]υτ[. . . .]ρτον ἔχουσα

           ἥρωος κα[θ]όδου πα[ῖς  

      εἰδότες ὡς ἐνέπου[σιν

           κείνην ἣ περὶ σὴν [

      οὔθ' ἑτέρην ἔγνωκα· τ[

30       οὔατα μυθεῖσθαι βουλομέν[οις ἀνέχων.

      τ[αῦτ'] ἐμέθεν λέξαντο[ς

           ‘τρις μάκαρ, ἦ παύρων ὄλβιός ἐσσι μέτα,

      ναυτιλίης εἰ νῆιν ἔχεις βίον· ἀλλ' ἐμὸς αἰών

           κύμασιν αἰθυίης μᾶλλον ἐσῳκίσατο

 

Horizontal Tabs

Article Nav

Suggested Citation

Susan Stephens, Callimachus: Aetia. Carlisle, Pennsylvania: Dickinson College Commentaries, 2015. ISBN: 978-1-947822-07-8. http://dcc.dickinson.edu/callimachus-aetia/uf/icus