DOMINO VALENTI
GOTHICO MAXIMO PERPETUO AUGUSTO
EUTROPIUS V. C. MAGISTER MEMORIAE
Rēs Rōmānās ex voluntāte mansuetudinis tuae ab urbe conditā ad nostram memoriam, quae in negotiīs vel bellicīs vel civilibus eminebant, per ordinem temporum brevī narratione collegī, strictim additīs etiam hīs, quae in principum vita egregia extitērunt, ut tranquillitatis tuae possit mens divina laetārī prius se inlustrium virōrum facta in administrando imperiō secutam, quam cognosceret lectione.