Callimachus /

Introduction and notes by Susan Stephens

Prologue: Against the Telchines

Fr. 1

      πολλάκ]ι μοι Τελχῖνες ἐπιτρύζουσιν ἀοιδῇ,

           νήιδες οἳ Μούσης οὐκ ἐγένοντο φίλοι,

      εἵνεκεν οὐχ ἓν ἄεισμα διηνεκὲς ἢ βασιλ[η

           . . . . . .]ας ἐν πολλαῖς ἤνυσα χιλιάσιν  

5    ἢ . . . . .] . ους ἥρωας, ἔπος δ' ἐπὶ τυτθὸν ελ[

           παῖς ἅτε, τῶν δ' ἐτέων ἡ δεκὰς οὐκ ὀλίγη.

      . . . . . .].[.]και Τε[λ]χῖσιν ἐγὼ τόδε· ‘φῦλον α[

           . . . . . . .] τήκ[ειν] ἧπαρ ἐπιστάμενον,

      . . . . . .]. . ρεην [ὀλ]ιγόστιχος· ἀλλὰ καθέλκει,

10       . . . . πολὺ τὴν μακρὴν ὄμπνια Θεσμοφόρο[ς·

      τοῖν δὲ] δυοῖν Μίμνερμος ὅτι γλυκύς, αἱ γ' ἁπαλαὶ [

           . . . . . .] ἡ μεγάλη δ' οὐκ ἐδίδαξε γυνή.  

       . . . . .]ον ἐπὶ Θρήϊκας ἀπ' Αἰγύπτοιο [πέτοιτο

           αἵματ]ι Πυγμαίων ἡδομένη [γ]έρα[νος

15   Μασσαγέται καὶ μακρὸν ὀϊστεύοιεν ἐπ' ἄνδρα

           Μῆδον]· ἀη[δονίδες] δ' ὧδε μελιχρ[ό]τεραι.

      ἔλλετε Βασκανίης ὀλοὸν γένος· αὖθι δὲ τέχνῃ

           κρίνετε,] μὴ σχοίνῳ Περσίδι τὴν σοφίην·

      μηδ' ἀπ' ἐμεῦ διφᾶτε μέγα ψοφέουσαν ἀοιδήν

20       τίκτεσθαι· βροντᾶν οὐκ ἐμόν, ἀλλὰ Διός.’  

      καὶ γὰρ ὅτε πρώτιστον ἐμοῖς ἐπὶ δέλτον ἔθηκα

           γούνασιν, Ἀπ[ό]λλων εἶπεν ὅ μοι Λύκιος·

      ʿ. . . . . . .]. . . ἀοιδέ, τὸ μὲν θύος ὅττι πάχιστον

            θρέψαι, τὴ]ν Μοῦσαν δ' ὠγαθὲ λεπταλέην·

25  πρὸς δέ σε] καὶ τόδ' ἄνωγα, τὰ μὴ πατέουσιν ἅμαξαι

            τὰ στείβειν, ἑτέρων ἴχνια μὴ καθ' ὁμά

      δίφρον ἐλ]ᾶν μηδ' οἷμον ἀνὰ πλατύν, ἀλλὰ κελεύθους  

            ἀτρίπτο]υς, εἰ καὶ στεινοτέρην ἐλάσεις.’

      τῷ πιθόμη]ν· ἐνὶ τοῖς γὰρ ἀείδομεν οἳ λιγὺν ἦχον

30       τέττιγος, θ]όρυβον δ' οὐκ ἐφίλησαν ὄνων. 

      θηρὶ μὲν οὐατόεντι πανείκελον ὀγκήσαιτο

            ἄλλος ἐγ]ὼ δ' εἴην οὑλ[α]χύς, ὁ πτερόεις,

      ἆ πάντως, ἵνα γῆρας ἵνα δρόσον ἣν μὲν ἀείδω

            προίκιον ἐκ δίης ἠέρος εἶδαρ ἔδων,

35  αὖθι τὸ δ' ἐκδύοιμι, τό μοι βάρος ὅσσον ἔπεστι  

            τριγλώχιν ὀλοῷ νῆσος ἐπ' Ἐγκελάδῳ.

      . . . . . . . Μοῦσαι γὰρ ὅσους ἴδον ὄθματι παῖδας

            μὴ λοξῷ, πολιοὺς οὐκ ἀπέθεντο φίλους.

      . . . . . . . . . . . . .]σε[. .] πτερὸν οὐκέτι κινεῖν

40        . . . . . . . . . . . . .]η τ[]μος ἐνεργότατος.

Horizontal Tabs

Article Nav
Next: 

Suggested Citation

Susan Stephens, Callimachus: Aetia. Carlisle, Pennsylvania: Dickinson College Commentaries, 2015. ISBN: 978-1-947822-07-8. http://dcc.dickinson.edu/callimachus-aetia/prologue-against-telchines